محاكمة النوايا …
كتبهاسارة ، في 27 مارس 2009 الساعة: 17:11 م
من وقت لاخر أمر بين المدونات وامضى .. لااجد شيئا أقوله ..ربما من كثرة ما نحمل … ربما لضعف ثقة فى الكلام .. ربما لانكم لا تحتاجون كلامى.. لاكثر من مرة أكتب ثم امحو ما كتبت واغلق الصفحة .. ولكنى افتقدتها بالفعل ..وعندما قررت العودة لم أعرف أى شئ أقول … وماذا أقول بعد هذا الانقطاع .. ولكنى فقط تذكرت هذا الشاب .. فقررت ان تكون عودتى به ….وقبله أشكر كل من مر هنا وأعتذر له ان لم يجد ما يقرأ…
أحمد دومة وأحمد كمال .. بعد الحكم
أحمد كمال عبد العال شاب فى الخامسة والعشرين من عمره ، من مركز البلينا محافظة سوهاج ، أبهرتنى بحق براءته ، لا اعرفه من قبل ولا أظنه أمسك قلما يوما وكتب كلمة تحريضية أو حتى تعبيرا عن رأيه .. لم أراه فى تظاهرة أو وقفة ، ولم يوزع يوما منشورا .. ولا أظنه يعرف المدونات أو الكومبيوتر نفسه ..
رأيته للمرة الأولى كان مع الزميل والمدون أحمد دومة الذى حوكم بتهمة التسلل عبر الحدود الشرقية ، وكان قد عبر أثناء الحرب الاخيرة على غزة ، لتتم محاكمته عسكريا بمجرد عودته ،وفى جلسة الحكم ذهبت مع زملاء للتضامن معه وفوجئنا بوجود كمال ..
لم أتخيل لحظة أن تهمته هى نفس تهمة أحمد .. شاب بسيط للغاية برئ بحق يبتسم رغم الحكم عليه بالسجن عام .. يقول مش هاكون أحسن من اللى ماتوا هناك أيوة أنا كنت عايز أجاهد … أيوة كان نفسى أدخل زيك يا احمد وأعمل اى حاجة …
تقبلت الحكم على احمد دومة بالسجن عام وغرامة الفى جنيه رغم انه هو الاخر لم يفعل ما يستوجب المحاكمة ، الا ان الحكم على كمال كان صادما بالفعل ، أشعرنى بظلم حقيقى ..
فكمال لم يذهب غزة ..إن كان الذهاب لغزة هو التهمة.. وربما للمرة الاولى يرى رفح .. والقى القبض عليه فى مصر فبأى تهمة يحاكم هذا الشاب الصعيدى البسيط .. لم أجد تهمة سوى النية .. كان ينوى الذهاب الى غزة ..
لا ادرى ان كان هناك قانون يحاكم على النوايا !!!!!!
ـــــــــــــــــــــــــــــــــــــــــــــــــــــــــ
التصنيفات : تضامن, سياسة, فلسطين | أرسل الإدراج | دوّن الإدراج
مارس 27th, 2009 at 27 مارس 2009 7:25 م
السلام عليكم
البلينا مركز وليس قرية
اتمنى وضع رابط مدونه احمد كمال على صفحات مدونتك
تحياتى
مارس 28th, 2009 at 28 مارس 2009 11:16 ص
فى مصر ؟؟
آه !!
بنحاكم اى حاجة …حتى لو زلظة صغيّرة بريئة كعبلت واحد مهم فى البلد دى !!
مين اللى حطّها فى السكة يا ولاد ال…………!!!!
مارس 30th, 2009 at 30 مارس 2009 11:44 ص
عليكم السلام
شكرا عالتصحيح يا استاذ عامر
للاسف احمد كمال مش مدون
شرفت بمرورك
مارس 30th, 2009 at 30 مارس 2009 11:45 ص
وهى لو كعبلت واحد مهم
تبقى صغيرة وبريئة برضو يااستاذ عادل
مارس 30th, 2009 at 30 مارس 2009 12:15 م
مبارك يمثلنا ام يمثل علينا
اذا اردت ان تعرف الاجابه
تفضل الي مدونتى
تحياتى
عامر محمود
مارس 30th, 2009 at 30 مارس 2009 2:33 م
اولا
مبروك علينا عودتك للتدوين يا سارة
ثانيا
احنا المفروض اننا ناس عايزين العدل والقانون ياخد وضعو الطبيعي في بلدنا
ومش معقول نكون احنا اول ناس نعارض القانون
.
من امتى يا سارة اي حد كدة عايز يعدي حدود من غير اوراق ولا قانون ولا اي حاجة تدل ان فلان طلع من مصر
.
الدولة كيان كبير يا سارة مش محافظة اتنقل واخرج براها عادي كدة بدون ما استاذن حتى السلطات
.
دي مش بطولة اختي
البطولة بجد
ان حبايبك دوول يحضرو ورقهم دلوقتي ويسافروا فلسطين طبيعي جدا
ويورونا همتهم بقى
.
مش هما ابطال وكانو عايزين يدخلو غزة
.
يللا ادخلو دلوقتي
يقدرو دلوقتي يدخلو بكل بساطة بعد تحضير ورقهم
واكيد غزة حتضرب تاني قريب ويبقى ساعتها يعملوا حاجة
….
انتو بتعملو ابطال ورق يا سارة على صفحات مدوناتكم
ابطال سنفج بيتنفخو في الميا ولو حد داس عليهم يخروو كل اللي جواهم على مافيش
.
بكرة كل واحد يعارض القانون ويخالف الدساتير الحدودية حيبقى بطل عشان كان عايز يدخل غزة
…
لو هما ابطال بجد
يللا يدخلو دلوقتي وحيطلعو باسبوور ويوصلو غزة بطريقة طبيعية جدا
وينضمو لحركة حماس
ويورونا الهمة !!!
.
.
شكلك متأثرة جدا يا سارة من التصرف العبقري اللي عملووه الابطال
ليه ؟
هما عملو ايه ؟
.
عايزين يعدوا من رفح على غزةكدة من غير اي كلام
هي سايبة والا ايه ؟
دي دولة مش زيهم سايبة
انا لو رئيس الدولة وانتي عارفة اني مش عميل لاسرائيل يا سارة
كنت حمنعهم واسجنهم عشان يكونو عبرة لاي حد يخالف قانون الدولة من الشعب
…..
مش معنى ان انا وانتي بنعارضو النظام الحاكم
اننا كمان نعارضو قانون دولتنا الحبيبة
….
بصي يا سارة
بكل بساطة
روحي للاتنين دوول
وقوليلهم انا عندي طريقة تدخلكم غزة بكل بساطة وهدوء واعملو اللي انتم كنتو عايزين تروحو عشانو
وشوفي حيقولولك ايه
ولو وافقو
يبقى كتر الف خيرهم
يللا يروحو يحضروا اوراقهم ويسافرو للاردن ومن الاردن على غزة
ماهي بطولة بقى
…..
حرام عليكي يا سارة
ماتضيعيش عقلك الجميل ده واسلوبك الغالي ده في حرق جاز ع الفاضي
.
هما ابطال
يللا يروحو غزة نااو وبطريقة شرعية ومايرجعووش اساليهم كدة يرضو ؟؟
.
بهاء عجمي
مارس 30th, 2009 at 30 مارس 2009 3:22 م
حمد الله ع السلامة يا سارة
عودا حميدا ..
عيال تخاف ما تختشيش
لازم يتشخط فيها
موش قصدى ع الأدراج بجد
حاجة تانية ف بالى
لما اقراه ح ارجع تانى
سلامات يا أستاذة يا زعيمة
خلى بالك من نفسك
“”"
مارس 30th, 2009 at 30 مارس 2009 3:32 م
بهاء عجمي ..
هذا الكاتب رائع التحليل ..
انه يتحرك بين السطور كالمعرفة
واضح كالحقيقة …
اعجبني جدا تعليقه وكان الأروع
تقبلي مروري
باقة ورد
مودتي
غريب الدار
مارس 30th, 2009 at 30 مارس 2009 5:51 م
أستاذ عامر
يمثل عليناااااا
مارس 30th, 2009 at 30 مارس 2009 6:31 م
بهاء باشا
اولا الله يبارك فيك ومنور بجد
ثانيا بقى
لن ادافع عن موقفهم فلكل شخص قناعته ودافعه لما يتخذ من تصرفات
ومع ذلك لا اراهم أخطأوا
ربما تغلبنا احيانا مشاعر الظلم والاحساس بالعجز وهو ما احمده ولا الوم عليه
ثم من قال انهم عبروا بلا اوراق برغبتهم
من عبر من الاثنان هو احمد دومة فقط وبحسب ما اعرف فقد طلب وزملاء ان يسمح لهم بالمرور بصورة رسمية باوراقهم وتم رفض طلبهم
وان كنا نبحث عن القانون حقا فالقانون الدولى ذاته يقول ان مصر أخطأت بغلق الحدود وقت الحرب
وأن الدولة التى تشارك فى حصار أخرى يعتدى عليها تعتبر شريكة فى هذا العدوان ..
القانون الذى نتحدث عنه هل يقول بمحاسبة مدنيين امام محاكم عسكرية
هل ذاك القانون يقول ان نحاكم شابا لم يرتكب جريمة بحجة أنه كان ينوى
اذا افترضت للمرة الالف ان دخول غزة وقت الحرب جريمة
ما اعرفه ان دخول غزة وقت الحرب فرض دينى وضميرى وأخلاقى وانسانى
وقبل ما اروح للاتنين اقولهم اذا كانوا عايزين يدخلوا
متعرفش تدخلنى والنبى ؟؟
منور يا عريس
مارس 30th, 2009 at 30 مارس 2009 6:35 م
عمى العزيز منور
فعلا عيال اخر زمن والله
مش بييجوا بالذوق ابداااا
عارفة اللى فى بالك طبعاا
بس ادعيلى ربنا يهدينى بقى
واثبت شوية
مارس 30th, 2009 at 30 مارس 2009 8:07 م
@@@@
@@@@
@@@@
الزملاء الأفاضل
الزميلات الفضليات
“””””””””””””””””
بنهاية أدراج
” أمن أجل هذا بعث النبى ؟ ”
ميثاق شرف مهنى تدوينى
من شاء فليوقع عليه و ماشاء لا يفعل
تحياتى و تقديرى للجميع
و طبتم جميعا بخير
“”””
@@
مارس 31st, 2009 at 31 مارس 2009 7:55 ص
كل شىء في مصر(كم) يحاكم على النوايا … لا شيء يستند الى الواقع سوى فساد حكومات(كم) التي مازالت ترتع في حقول الفساد
اما الشعب …. فهو في حلة كبيرة جدا …بمطبخ ضيق … بجوار ترزى القوانين !!
مرحبا بعودتك للقلم
مصعب
مارس 31st, 2009 at 31 مارس 2009 3:38 م
بسم الله الرحمن الرحيم
اهدى اليكم القصه الثالثه من مجموعتى القصصيه حكايات
معاصره اتمنى ان تنال اعجابكم
سباق الموت … قصه قصيره
3
2
1
أنطلق
ضغط مهاب على دواسه البنزين باقصى قوه حتى كادت قدمه
ان تخترق أرضيه سياره السباق القويه التى يقودها … نظر
مهاب حوله فرأى سيارات السباق التى تنافسه والتى تنافس
سيارته بقوه … وفجاه انتفض مهاب فى قوه حتى كاد ان
يخرج من حلبه السباق بسيارته فقد راى مهاب سياره سوداء
وعندما راى هذه السياره السوداء رجعت ذاكره مهاب تلقائيا
للوراء … للوراء قليلا ……………..
لاستكمال باقى القصه القصيره اضغط على الوصله التاليه للذهاب
للقصه القصيره مباشره
http://m20081986.maktoobblog.com/1611013