مصر احلى اسم فى الوجود

يا عرب .. يا عرب .. يا عرب في أي عصر
يا عرب .. يا عرب .. اسمعوا صوت شعب مصر
أحفظوا لمصر المكان .. و احنا عالعهد اللي كان
مصر أوفى من الزمان ..
و انتو عارفين شعب مصر
يا عرب يا عرب يا أهل مصر

—————————-
اللي خانوا العهد بينا .. و استباحوا كل حاجة
و استهانوا بالعروبة .. و استكانوا للخواجة
مستحيل حيكونوا منا .. نحنا حاجة و هما حاجة
هما باعوا الجلابية .. و الوطن و البندقية
و ا حنا أصحاب القضية ..
احنا ما بنبيعش مصر
يا عرب يا عرب يا أهل مصر
—————————-

غابة
غابة كلابها ديابــــا … و نازلين في الناس هـم
و اللي ينام في الغابة … رح يتاكل هــــــــم
و اللي يدور وشـــــو … في غمضة عين يتهــــــم
و اللي يغيب عن جحرو .. لاجل القوت و المم
يتخان من ورا ظهرو … او يتاخد خم
غابة بتاكل ميتة … غابة بتشرب دم

غابة كلابها ديابا … نازلين بالناس هم
غابة و ناسها غلابة .. خيخة لا ناب و لا فم
متكلين عالصدفة …. متاكلين بالهم

و احنا يا ملح الغابة .. هم يحرك هم
ضايعين و سط ديابا .. مش فاضيين نهتم
فاهمين و بنتغابا … مش راضيين نتلم

كلمتين ( إلى مصر )
كلمات : أحمد فؤاد نجم
غناء : الشيخ إمام
……………………….
كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
……………………..
شابة يا أم الشعر ليلي
و الجبين شق النهار
و العيون بحرين أماني
و الخدود عسل و نار
و اللوالي ( اللؤلؤ) بابتسامتك
يحكوا أسرار المحار
يللي ساكنة القصر عالي
إيمتى يهنالي المزار
كلميني يا صبية
طال علي َّ الانتظار
كلمتين يا مصر يمكن
هما أخر كلمتين
حد ضامن يمشي آمن
أو مِـآمن يمشي فين
…………………
قصرك المسحور غيلانو
أغبى من دود الغيطان
بعد مص الغصن الاخضر
ينحتوا عضم العيدان
و اللي خلى الارض خضرا
و اللي خلى الدار آمان
عاش بجور ملو جوفه
مات بخوفه من الغيلان
طوّع الغلبان
ما قالش عن شقا العمر اللي كان
كلمتين بمصر يبقوا
هما أخر كلمتين
حد ضامن يمشي آمن
أو مِـآمن يمشي فين
………………..
أدي كلمة من عذابي قلتهالك
باقي كلمة
من حنيني صنتهالك
في الضلوع من دنيا ظلمة
كنت خايف يلمحوها
يقتلوها في سكة ظلمة
سقسقت و النور بشاير بشاير
زهرة الصبار يا سلمى
يا نسيم الشوق يا طاير يا طاير
خد لمصر في الصبح كلمة
طول ما يبقى الركب ساير
بالبصاير و العينين
يبقى ضامن يمشي آمن
يبقى عارف يمشي فين

من عاشقى الفجاومى احمد فواد نجم عمنا ربنا يديلو الصحه

الاخت/سارة
نالكم الفاتحة
وجزاكم الله خيرا

عجبتني الكلمات جدا

واعجبني اكتر ما يحتوي الكلمات

وما بها من تنسيق

فلك مني تحياتي

آيه حافظ

ياريت نفكر بموضوعية وبلاش تحيز على اي اسا بنيتي قرار وحكمك فين الدليل على كلامك اقسم بالله العظيم ان صلاح الحاكم من الحكوم ومش العكس العيب فينا الانسان السوى نفسيا هو اللي يصلح عيوبه وياريت تبداي بنفسك ومتزعليش متن كلامي هى دي الحقيقة العيب فينا احنا والله على ماقول شهيد حور محب مصر والعرب