المدونة التالية
كافة المدونات

عزيزى المواطن……

كتبهاسارة ، في 25 فبراير 2007 الساعة: 17:48 م


   

 عزيزى المواطن بتاع النضال
 يا راكب دماغك و غاوى الحلال
 نصيحة يا صاحبى بلاش الخيال
 و غمض عيونك و ربى العيال
 
 بلاش المناكفة و لايم و عيش
 هتتعب معانا و سهمك يطيش
 نلفق للاهلك قضية حشيش
 و تصبح حكاية و نكتة و مثال
 
 تعالى و هاودنا و عدى الامور
 و عيش فى الطراوة و خش الطابور
 لكن لو هتزعل و دمك يفور
 هنشهد نهايتك فى بحر الرمال
 
 هتصبح حرامى هتصبح امير
 هتصبح حرامى و ندل و اجير
 و نقدر نلخبط فى اصلك كتيير
 و جدك شحاتة هيصبح شحال
 
 هنحلف ان الحبايب شافوك
 بتقبض يا خاين و تقتل اخوك
 ساعتها مراتك هتلعن ابوك
 و تلطم و تنعى احط الرجال
 
 مالكش انت دعوة بايه اللى ضاع
 و مين اللى شارى و مين اللى باع
 و مين اللى كيل و مين اللى شال
 
 فحب الحكومة و حب السلام
  و علم ولادك
 يشدوا الحزام
 علشان بكرة هياكلو حمام
 و ينسوا الاسية و ينسوا الهزال
 
 فلازم يا صاحبى تغمض عنيك
 و طنش علينا نطنش عليك
 و اياك تشاور نقطع ايديك
  و تصبح مواطن ما يسواش ريال
 
أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : شعر | السمات:
أرسل الإدراج  |   دوّن الإدراج  

3 تعليق على “عزيزى المواطن……”

  1. kuwaiti mother قال:
    فبراير 25th, 2007 at 25 فبراير 2007 6:24 م

    الساكت عن الحق شيطان اخرس

    سارة مدونة تفتح العينين بطريقة النقد الساخر

    نتمنى المزيد

  2. mony tota قال:
    فبراير 25th, 2007 at 25 فبراير 2007 9:32 م

    أتمنالك مزيد من التوفيق يا سرسورتى

  3. سارة قال:
    فبراير 26th, 2007 at 26 فبراير 2007 11:35 ص

    شكرا لمرورك يا ام الكويت واتمنى ان تعجبك مدونتى
    شكرا يا ايمى انا مبسوطة انك هنا
    باحب انبه لموضوع بس
    الموضوع ده منقول وارسل لى بالايميل
    مش انا اللى كاتباه



اكتب تعليــقك
الإسم الذي سيظهر على التعليق
مشتركي مكتوب
اسم آخر

« بركاتك يا ست شجرة !!!!!!!!!!
الريس بيزود شعبيته…….. »

 الاقصى