المدونة التالية
كافة المدونات

البنات وسنينهم ……….

كتبهاسارة ، في 30 أبريل 2007 الساعة: 23:14 م

بعد مااتكلمنا عن انا رااااجل نتكلم عن البنات شوية ، وطبعا البنات حكاويهم كتير شوية ، مش عشان هما سيئات ولا عشان بنات لكن عشان اسلوب تفكير وتعامل مجتمع واستسلام لمعتقدات غبية .

 

*تصحو صاحبتنا قبل موعد خروجها بثلاث ساعات ، وتأتى بشنطة كبيرة ممتلئة عن آخرها ، تخرج عدة البويا ، قصدى المكياج ، وتضع كيلووات من الالوان على وجهها ، تزيلها وتضعها ثانية وثالثة ، حاجات فوق عينها واخرى تحتها ، خليط من الالوان اخضر وازرق واحمر وكل الوان الطيف ، يابنتى انتى رايحة فين رايحة الشغل او رايحة الجامعة ، امال لو رايحة عرض ازياء او سهرة هتحطى ايه ؟؟؟!!!!!!

 

*زميلة كنا نتحدث بشأن ابحاث وامور متعلقة بالدراسة ، وفجأة قالت ( برضه مش هاعبرك ) ، الحق انى فوجئت بل واحرجت ايضا ، فقالت لالالالالالا مش انتى ده هو ، هو مين ؟ الواد اللى وراكى ، التفت بحركة عفوية لاستطلاع مافعله واستدعى كلمتها المفاجئة ، والحق انه كان عادى جداا ، المهم اى فصل ستاخذين فى الب..   (يخرب بيتك قمر والله )   صمت وادركت انها تتحدث عن آخر ، واخذت تتحدث القميص وشعره يا لهوى شعره ، اللهم طولك ياروح ، يابنتى ركزى شوية ، اه سورى كنا بنقول ايه ، وقبل ان انطق قالت ( بالذمة ده منظر ) تجاهلت الامر واكملت ما يجب قوله بشأن البحث الذى كرهته تماما ، واذا بها عاشرا (انا هاضمه للفريق ) ،

وبنفس البلاهة سألتها عمن ترغب اضافته ، فضحكت وقالت لالالالا مش فريق البحث ، اوضحت انها ستضمه لفريق من نوع اخر لا اعرف حقيقة بما اسميه ، قالت الفريق الان به 18 ، ابتسمت وقلت 18 ماشاء الله ، ودول بتعملى بيهم ايه ، قالت بثقة شديدة بلاعبهم ، قلت مش يمكن هما اللى بيلعبوا بيكى ، قالت بحدة لا ميقدروش .

انا بقى مش فاهمة ، يعنى حاسة ان كل الولاد اللى فى الدنيا ضحايا سحر عيناها ومقدور عليها ، اما موضوع ال18 ده فانا مش فاهماه ، يعنى اذا ماافترضنا طبقا لنظرية الرجل الدنئ – وهى نظرية مغلوطة تماما ولكنها سائدة اجتماعيا – ان ايهم يرغب ان يأخذها حيث الغرفة المظلمة  ويسقيها حاجة اصفرا     ،   هى بقى عايزة ايه ؟؟؟!!!!!!!

 

*فتاة تبدو عادية جداا ، ملامحها تنم عن خلق ، لفت نظرى فجأة وبشدة كلمة مكتوبة على ظهر الجاكت الذى ترتديه ، الكلمة كانت sexey  الفتاة محجبة وكما قلت يبدو عليها الخلق ، لماذا ترتدى مثل هذا الشئ ؟؟ ، غامرت وقررت ان احدثها ، وهو ماقد ينتج عنه نتائج سيئة ، سلمت عليها بهدوء وسألتها عن الكلمة المكتوبة على ظهرها ، قالت بارتباك شديد لالالالا مش كدة انتى فاهمة غلط ، قالت ده اسم ماركة وفى حرف مختلف عن الكلمة اللى جات فى بالك ، اااااااه هو بالى الوحش ده ، والله عذر اقبح من ذنب ، يعنى الماركات كلها خلصت مش باقى غير الماركة المشبوهة ده ؟؟؟!!!!!!!

 

*ونخرج من الكلمات العريضة والغير محترمة المطبوعة على صدر عددكبير من الملابس التى ترتديها البنات لقمصان النوم ، هى طبعا مش قمصان النوم ، بس هما قريبين الشبه جداا بتلك الملابس ، سواء من حيث الالوان او التصميمات او الترتر والاشياء اللامعة المتناثرة عليها .

 

*الخصلات الطائرة او مايسمونه ( الاصة ) ، الاخت ترتدى حجاب يخرج من مقدمته ايريال ، طيب مش لازم حجاب خالص ، المفترض ان الاخت ارتدت هذا الحجاب بمحض ارادتها ، والمفترض ايضا ان تحترم هذا الحجاب الذى ترتديه  او على الاقل تحترم اختيارها بان تكون محجبة ، هذا فضلا عن البرونز او الجليتور الذى تشعر معه ان الاخت رايحة …… طيب ليه اصلا ؟؟؟!!!!!!!

 

*الاخت المتأسدلة ربنا يهدينا ويهديكم ، كل من يراها يضرب بها المثل فى الخلق والادب والتدين ويدعون للاخريات ان يهديهم الله مثلما هداها ، وتذهب حضرتها مع واحد ربما على شاكلتها – مش لابس اسدال –لابس بنطلون قصير ومحتفظ بجزء من لحيته ، ويتسكعا معا حول الاسوار او يجلسون جلسات مشبوهة فى مناطق نائية .

ولا افهم قيمة هذا التدين الظاهرى اذا كان لا يمنع من اتيان ما يعتبر خطئا ، وفى تلك الحالة افترض انه مالوش لازمة خالص المظهر ويعملوا اللى عايزينه ، وقبل ان يظن احد انى احرض على خلع الحجاب او شئ من هذا القبيل ، انا فقط ارى ان الاخت والاخ يسيئون للاسلام بوصفهم - من وجهة نظر المجتمع – الاكثر التزاما وحفاظا على الدين ، واذا كان الاكثر التزاما يفعلون ذلك فالاقل التزاما وبلا شك يقضون لياليهم فى الملاهى الليلية ………

 

* لى صديقة مخطوبة واخرى متزوجة ، تجلس الثانية تلقى بنصائحها للاولى ، احذرى ان تعطى حماتك الفرصة لتشغيلك فى شقتها  ، واوعى تعوديها على …، والغريب فى كل ذلك ان الاخت المخطوبة بدأت تعد الخطط الدفاعية لمقاومة الحماة الجبارة ، وذلك حتى قبل ان تتبين انها جبارة بالفعل ، وعلى الرغم من انه يبقى على زفافها عدة اعوام !!!!!!!!!!!


*نيجى لجلسات النم المسماة بجلسات النم البناتى ، تجد
المجموعة وقد تجمعت لا لشئ الا  للحديث عن خلق الله ، خلاص كفاية نم بلاش نتكلم عن حد ،، ااه والله عندك حق ، مش هنتكل ………. هو الواد ده خطيبها ولا صاحبها !!!!!!!!!!!!

طبعا فى حاجات تانية ،هاسيبها لاى حد عايز يضيف
وتقبلوا تحيااااااااااااااتى
 ……………..

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : متفرقات, مرأة ورجل, مقال | السمات:, ,
أرسل الإدراج  |   دوّن الإدراج  

72 تعليق على “البنات وسنينهم ……….”

  1. جـرمـانـيـوم قال:
    أبريل 30th, 2007 at 30 أبريل 2007 11:51 م

    وطبعا نسيت البنت اللي
    يكون الواحد منا جالس في امان الله في لشارع ولاتاكسي
    وفجاءه وبدون مقدمات تقفز من مكتنها كالنمر الهائج
    وتقول ( خلي عندك شويه ادب يابن الكلب بتغمز عينك ليه)
    يبقي مين اللي قليل حياء
    الي بس غمز بعينه بدون مايلفت لحد
    واللي قفزت من اخر القاعه وسمعت اللي يسوي واللي مايسواش

    وشكرا علي اللمقال الجميل
    وسلام

  2. منذر قال:
    مايو 1st, 2007 at 1 مايو 2007 12:28 ص

    كلام جامد جامد جامد جامد، ومقال ساخر لأقصى درجة انت بجد مكانك مش هنا انت ماكنك تحت ايد أحمد رجب فهمى هويدى سلامة أحمد سلامة إبراهيم عيسى بلال فضل، مع ناس زي الناس ده، مش أقل أبدا، سرد شيق جدا جدا جدا، يخلص السطر بمنى نفسى هاتقولى ايه

    أنا ضحكت زي المجنون وكل شوية الى فى البيت ييجوا يقولوا الله يخرب بيت النت الى هايجننك ده

    بجد مش عارف أقولك ايه، ده تعليق أول، علشان أبطل ضحك وبعد كده أفكر فى الكلام الى فيه وأحكيلك على موقف جامد

  3. zakariafekry قال:
    مايو 1st, 2007 at 1 مايو 2007 12:35 ص

    عزيزتى / سارة

    أثبت بذلك قمة الحياد..أفردت لمسالب الرجال “سلوكياتهم”..ثم هاأنت تفردين لمسالب النساء والفتيات..”سلوكيات أيضا”..غير أننى هنا أريد أن أنوه الى أن البعض منا ينظر الى الفتاة المتحجبة وكأنها ملك يمشى على الأرض ..!!هن أيضا بشر يصيب ويخطىء..والاسلام لا يضره المنتسبون اليه وإلا مادخل أحد فيه أو بقى عليه بعدما يرى ما عليه حكامه ومعظم شيوخه اليوم..أو تتبع ما فعله مئات الباطشين وسافكى الدماء ممن ينتسبون اليه عبر التاريخ الاسلامى

    تقبلى تحياتى

  4. حور محب قال:
    مايو 1st, 2007 at 1 مايو 2007 1:57 ص

    لقد قمت باضا فة المزيد من الكتابات لمدونتي ياريت تشرفينى برايك

  5. عماد قال:
    مايو 1st, 2007 at 1 مايو 2007 10:24 ص

    الاخت سارة

    لقد خلق الله المراة من ضلع اعوج

    عايزاها تبقى مضبوطة ازاى وهى من ضلع اعوج

    للرجل مثل حظ الانثيين

    يعنى الراجل باثنين

    وبعدين البنات بقت دماغهم فاضية اليومين دول الا من الممثل فلانى والمطرب العلانى

    هذه ثقافتهم التى ورثتها الدولة لهم

    تحياتى

    مصرى

  6. سارة قال:
    مايو 1st, 2007 at 1 مايو 2007 3:25 م

    جرمانيوم
    هو اللى غلطان ازاى يغمز بجنب عنيه يعنى
    عموما الاتنين غلطانين
    سعيدة بوجودك
    تحياااااتى

  7. سارة قال:
    مايو 1st, 2007 at 1 مايو 2007 3:26 م

    منذر
    والله انت اللى جامد يابنى
    عموما متشكرين على الكلام الحلو ده
    وخلص ضحك وتعالى بقى
    سلاااااام

  8. سارة قال:
    مايو 1st, 2007 at 1 مايو 2007 3:28 م

    الاخ العزيز زكريا فكرى
    اشكرك اولا
    الحياد قيمة نحاول الوصول اليها غير اننا ابدا لا ندركها
    وانا معك فيما يتعلق بنمظرة المجتمع للفتاة المحجبة باعتبارها مظهر من مظاهر التدين
    ولكنه تدين فى رايى ظاهرى
    وتقبل كل التحية والتقدير

  9. سارة قال:
    مايو 1st, 2007 at 1 مايو 2007 3:29 م

    استاذ حور محب
    ساسعد بذلك
    تحياااااااتى

  10. سارة قال:
    مايو 1st, 2007 at 1 مايو 2007 3:33 م

    الاخ الكريم عماد
    الضلع الاعوج يمكن تقييمه
    واوضح رسولنا الكريم ان الاصلاح ليس بالعنف حتى ينكسر وليس بالترك حتى يزداد اعوجاجا
    وللرجل مثل حظ الانثيين
    لا تعنى ان الرجل باثنين
    هذا فقط تشريع للميراث والشهادة
    ولا يعنى ان عقله باثنان وخلقه باثنتان
    والا ما راينا النماذج الذكورية السيئة
    الامر كما ذكرت ثقافة ورثتها لهم الدولة
    وليست كل الفتيات يهتمن بالمطرب والممثل
    ومن الذكور من يفعل ايضا
    اشكرك وتقبل التحية

  11. ايمن مصطفى قال:
    مايو 1st, 2007 at 1 مايو 2007 4:28 م

    سارة

    انا مش هاضيف شيئ…….انا عندى سؤال وعايز اجابة عليه بصراحة

    انت شايفة نفسك ايه؟؟؟ ارجو ان تكون الاجابة صريحة وحيادية

    انت اتكلمت عن بنات كتير بس انا عاوز اعرف انتى مين….مين تعنى انت شايفة نفسك واحدة من البنات دى ولا غيرهم لو غيرهم قولى لينا انتى مين؟؟؟؟

    ارجو الا تفهمى السؤال غلط!!! وانا متاكد انك هتفهميه صح

    تحياتى

    مستنى رايك فى الاخ حماده زيدان…هارينا رسايل..على المجموعة

    ايمن مصطفى

  12. ¤©§][§©¤][ أفنـــدينا ][¤©§][§©¤ قال:
    مايو 1st, 2007 at 1 مايو 2007 5:13 م

    كنت داخل مدونة ايمن مصطفى ولتشابه أسمي المدونة جئت لهنا

    =====

    على فكرة البلد مليانة بنات تانية من نوع غير إللي ذكرتيهم

    بنات … أجدع من ألف راجل

    بنات … تعرف الله حق المعرفة وتراعي دينها في كل خطوة تخطوها

    دعائي لك ولبناتنا أن تكوني منهم بإذن الله ونحسبك كذلك…

    تحياتي وسلامي

  13. باسل فلسطين.... قال:
    مايو 1st, 2007 at 1 مايو 2007 5:36 م

    في الواقع يا ساره قصص الرجال والنساء متشابهة..ولا مرة كنت اعتقد انه يوجد اختلاف كبير بين الجنسين…فكلاهما بشر من اصل واحد..

    لكن لكل فرع خصوصية معينة تميزه…لكنهما متشابهان ولا يمكن ان ننهض الا بوجود يد رجل ويد امرأة تحملان معا مشعل التغيير

    امتعتني حكايتك المصرية وازالت بعض عناء نهاري

    شكرا لك

  14. سارة قال:
    مايو 1st, 2007 at 1 مايو 2007 7:29 م

    الاخ العزيز ايمن

    توقعت هذا السؤال من اى من الزوار الكرام

    وتوقعته بصورة اكثر حدة

    واعلم انه امر مستفذ جدا ان تجلس فى الظل فتعدد عيوب الرجال حينا والنساء حينا اخر وكانك لست من ايهم

    المهم

    فى رايى الشخصى اذا اردت ان اعرف احدا فلا اساله ابدا لانه سيظهر الصورة التى اود ان اراه عليها وهى بالطبع ليست صورة حقيقية

    ومع ذلك ساجيب

    انا ببساطة شديدة سارة

    باحترم نفسى جدااااااا ولا افعل ما قد يقلل من ذلك الاحترام

    احاول ان اكون انا وان افعل شيئا احترمه

    لا افعل ما ذكرت فى الموضوع

    ولدى عيوبى الاخرى التى لم يأت ذكرها

    ومنها انى عصبية جداااااااااا

    ولا اشعر بالرضا ابدااااا

    واترك لفطنتك استنباط البقية

    تحياااااااااتى

  15. سارة قال:
    مايو 1st, 2007 at 1 مايو 2007 7:31 م

    الاخ العزيز افندينا

    سعدت بزيارتك

    وساسعد اكثر ان اصبح الكل كالنماذج التى ذكرت

    ربما ركزت على سلبيات وذلك فقط رغبة فى الاصلاح

    اشكرك وتقبل تحيااااااااتى

  16. سارة قال:
    مايو 1st, 2007 at 1 مايو 2007 7:33 م

    الاخ الكريم باسل فلسطين

    انا متفقة معك تماما حول تشابه القصص ووحدة النشأة

    الاان الخصوصية التى تحدثت عنها تبرز جوانب لدى النساء او الرجال قد لا تبدو فى الاخرين

    سعدت بان ازلت بعض عناءك

    تقبل تحياااااااااتى

  17. محمد حماد قال:
    مايو 1st, 2007 at 1 مايو 2007 7:55 م

    الادراج رائع وجميل ولا غبار عليه

    ولكن في تعليقك قلت

    المحجبة باعتبارها مظهر من مظاهر التدين

    ولكنه تدين فى رايى ظاهرى

    // اسمحي لي

    الحجاب تدين

    وليس تدين ظاهري

    //

    الذين يرتدون الحجاب ويعملون ما ذكرتيه هؤلاء يمكن ان يقال على حجابهم انه تدين ظاهري

    //

    هذا الفرق اردت فقط ان الفت النظر اليه

    //

    المقال ممتع

    واكثر من رائع

    ويفتح عالم البنات بطريقة لائقة ومحببة ولاذعة

    شكرا لك نتقبلبي احترامي

  18. سارة قال:
    مايو 1st, 2007 at 1 مايو 2007 8:01 م

    الاستاذ الرائع والمتميز دوما محمد حماد

    ما اردته فقط هو اعلاء قيمة الجوهر على المظهر

    وما قلته بشأن التدين الظاهرى

    كان قاصرا على من لا يحترمون حجابهم

    ويفعلون ماقد يناقضه

    وهنا التدين لا شك ظاهرى لانه لم يقترن بفعل

    شكرا لك للفت النظر

    وسعدت به ايضا

    كماسعدت بمروركم الكريم

    وتقبل كل الاحترام والتقدير

  19. جمال العربى قال:
    مايو 1st, 2007 at 1 مايو 2007 9:09 م

    الأخت الفاضلة هل تساعديني في التسجيل لديكم لقد حاولت وفشلت

  20. هيفاء فويتي قال:
    مايو 1st, 2007 at 1 مايو 2007 9:12 م

    عزيزتي سارة:

    مقالك ولو باللهجة العامية ولكنه يشمل كل فتيات العرب.. فمجتماتنا تشبه بعضها ..

    معك حق توجد هكذا نماذج.. وأما المتحجبة فيبدو أن الحجاب صار عند بعضهن عامل جذب

    بشكل عام مجتمعاتنا تعيش حالة لا توازن بكل اشكالها وهذا سينعكس على الشباب والفتيات بشكل مباشر..

    فلقد انعدم لاحافز نحو تحقيق الطموح العلمي والوظيفي والانساني .. فردة فعل طبيعية أن يهتم الجيل الحالي بصرعات ومظاهر تكرسها كل لحظة وسائل اعلام حمقاء.. أو مدسوسة بشكل يجعل التناقضات ضارخة في مجتمعنا ..

    الجيل مظلوم بحق.. والفتيات أشد تعرضاً للظلم.. فلنساهم بخلق حالة وعي على القلبالكلمة وهي أضعف الايمان

    أسفة لاطالتي

  21. عبد المجيد راشد قال:
    مايو 1st, 2007 at 1 مايو 2007 9:23 م

    أختى العزيزة الكريمة الغالية / سارة

    أجمل ما فى مدونتك

    هى تلك الروح البسيطة و العميقة فى آن معا

    و تلك الجرأة الجميلة

    لك كل التحية

    و كل التقدير

    و كل الإحترام لقلم رشيق

    يمسك بمشرط جراح ماهر

    يحدد بدقة مواطن الخلل من نقل الخلل ذاته

    بدون كلام كبير

    و لا تنظيرات من بتاعتنا

    وفقك الله

    وأعزك

    و أكرمك

    يا أختى اعزيزة

  22. الشنقيطى قال:
    مايو 1st, 2007 at 1 مايو 2007 9:25 م

    أخت سارة :

    آن مش حضيف كثير لأن اهل مكه أدرى ابشعابها بس عايز نفكر شوي إيه السبب ورى كل ده لما بتسألى بنت إيه ال ابتعمليه ده بتئولك العولمة

    أخت سارة:

    زمان كن ابنسمع ومن الحب ماقتل دلوئت ممكن نئول ومن التقليد ماقتل

    على فكرة: أسلوبك دلوئت أخف حد ه اشوي من أسلوبك إل كتبت بيه عن الرجل

    ياترى إيه السبب

    وأخيرا عفوا إن كان هناك خطأفى استخدام اللهجة المصرية

    لك مودتى

  23. samoor قال:
    مايو 1st, 2007 at 1 مايو 2007 9:37 م

    برافو يا سارة

    المقال جميل اسلوب و مضمون

    اسفة يا سارة على انى وعدتك و خلفت وعدى

    ماتزعليش منى من قبل مااشوفك اوعدينى انك مش هاتخدى عنى صولرة وحشة

    بس ان شاء الله هاقابلك بكرة

    انا بس كنت عايزة اتأسفلك ادام الناس كلها لانى شايفة انى غلطت جامد

    سلام بقى و اشوفك عالماسينجر

  24. د : سـيـد مخـتـار قال:
    مايو 1st, 2007 at 1 مايو 2007 10:20 م

    أعتقد أن سبب سلوك معظم هذه النماذج هو غياب القدوة فاليوم القدوة للبنات عينات من أمثال00 شيرين آه يا ليل00 وهيفاء وتابعها رجب وصاحبه قليل الأدب00والست أمينة شلبايه الكوافيره بتاعت الآى لينر والميكروجب

  25. مجهول قال:
    مايو 2nd, 2007 at 2 مايو 2007 2:01 ص

    بصراحه يا ساره من اعجابى باسلوبك وشياكه مفرداتك وقدرتك على الاقناع قربت احبك

    اكيد بتعتقدى بحب الارواح

    اتمنى لك التوفيق دايماااااااااااااا

  26. منذر قال:
    مايو 2nd, 2007 at 2 مايو 2007 4:55 ص

    انتى تقربا جاسوسة على البنات، ولو حد قفشك، مش عارف هايعمل معاكى ايه

    أنا بلاحظ برده حاجة مختلفة، أنا فى آخر سنة فى الكلية وعمرى ماحضرت إلا مرات عديدة، وكنت باقعد باتفرج عليهم كانهم من كوكب تانى خالص، كنت بلاحظ حاجة غريبة ان لو لود راح لبنت يسألها على حاجة قال ايه عاوز يصور الكشكول، يعنى المدرج فيه ييجى خمستلاف راجل وبشنب وملو هدومه، ويسد عين الشمس واقعدين فى الأول وفى الىخر سيبتهم كلهم ورايح يا عم الإور على آخر واحدة فى آخر بينج على الشمال فى الركن البعيد الهادى، الى بتشرب بيبسى كانز دايت وحطى سماعة MP3 فى ودنها، ومعهاش غير قلم الحواجب، والحاجة الورق الوحيدة الى شايلها مناديل ورق للجيب كلينكس، ورايح يا فالح تقولها عاوز أصور الكشكول………ههههههههههه، طب نعمل معاه ايه ده

    انا بصراحة عملت كده قبل كده، ههههههههه

    بس قبل ماحكيلك حصل معايا ايه، قال يعنى ماحدش هايقرا الكلام ده تانى، عاوز تتخيلى حصل ايه، وتقوليلنا لو حد عمل معاكى حاجة زي كده يتعمل معاه ايه

    ربنا يسلمنا من الكلية ده على خير يا قادر يا كريم

  27. أحمد الضبع قال:
    مايو 2nd, 2007 at 2 مايو 2007 12:12 م

    الأخت سارة … قصص واقعية جميلة … بس لو مكتوبة بلغة عربية فصحى … يتهيألى تكون أفضل … تحيااااتى .

  28. سارة قال:
    مايو 2nd, 2007 at 2 مايو 2007 6:06 م

    استاذ جمال العربى

    ارجو ان يكون الامر قد حل الان

    تحياااااااااتى

  29. سارة قال:
    مايو 2nd, 2007 at 2 مايو 2007 6:08 م

    الاخت العزيزة هيفاء

    سعدت بكلماتك العميقة والقيمة ايضا

    تقبلى كل التحية والتقدير

  30. سارة قال:
    مايو 2nd, 2007 at 2 مايو 2007 6:09 م

    الاخ العزيز عبد المجيد راشد

    لا تعلم كم تدفعنا كلماتكم

    اشكرك كثيرااااااااااا

    وتقبل تحيااااااااااتى

  31. سارة قال:
    مايو 2nd, 2007 at 2 مايو 2007 6:13 م

    الاخ العزيز الشنقيطى

    السبب هو السياسيات التهميشية لحكوماتنا البهية

    والتى تعلى قيم ظاهرية فارغة يتبعها هؤلاء دون ادنى وعى

    ولا ادرى حقيقة سبب قلة الحدة

    فالاسلوب واحد قصصى يعتمد على اضفاء الصفة الشخصية

    وهو نفس الاسلوب فى الموضوعين

    وفى حين انتقضت ثلاث سلوكيات فقط للرجال

    انتقدت ثمانية للفتيات

    شكرااااا عالملاحظة

    تحياااااااااااااااتى

  32. سارة قال:
    مايو 2nd, 2007 at 2 مايو 2007 6:15 م

    الاخت اوالزميلة العزيزة سموووووووور

    عموما ولا يهمك

    المهم اننا اتقابلنا

    تحيااااااااااتى

  33. سارة قال:
    مايو 2nd, 2007 at 2 مايو 2007 6:16 م

    د \سيد مختار

    والله عندك حق

    تحياااااااااتى

  34. سارة قال:
    مايو 2nd, 2007 at 2 مايو 2007 6:19 م

    ايه يااستاذ مجهول

    احنا هنتعاكس على ناصية المدونة ولا ايه

    اعمل بقى زى البنات الوحشين واقولك انا عارفاك وكدة

    بس شكراااا ياسيدى

  35. سارة قال:
    مايو 2nd, 2007 at 2 مايو 2007 6:25 م

    منذر باشا

    شكلك كدة حالف تودينى فى داهية مرة ميليشيا ومرة حزب ومرة جاسوسة

    بص بقى لما عم الامور يسيب الناس كلها ويروح للبنت ده

    يبقى المشكلة عنده هو مش عندها بس

    انا متخيلة ايه اللى حصل لك طبعا

    اكيد اتكسفت واتلغبط ومعرفتش تقول كلمتين على بعض ويمكن هى اللى كلمتك كمان

    انا بقى الحمد لله الحمد لله ماحدش يقدر يطلب منى الكشكول

    لسبب بسيط جدااااااااا انى اساسا مش معايا كشكول !!!!!!!!!!!

    تحياااااااااااااتى

  36. النورس قال:
    مايو 2nd, 2007 at 2 مايو 2007 7:01 م

    تصدقى يا ساره النهارده كنت ناوى اكتب فى نفس الموضوع ده

    ولحسن الحظ تجولت فى مدونتك واكتشفت انك كتبت ما نويت كتابته بالتفصيل(باسلوبك طبعا) فوقعت فى حيص بيص اكتب ايه.؟ فأجلت الكتابه لغاية ما الاقى موضوع تانى

    اعمل ايه بقى؟

    بس بصراحه استوفيتى الموضوع من كل جوانبه وخصوصا انك بتكتبى عن جنسك يعن حياد تام وموضوعيه ممتازه

    تحياتى

  37. سارة قال:
    مايو 2nd, 2007 at 2 مايو 2007 7:09 م

    الاخ الكريم احمد الضبع

    احترم رايك جدااااااااا

    وان كنت ارى انم العامية غير المسفة تعد اكثر تعبيرا فى الموضوعات الاجتماعية

    سعدت بمرورك

    تحياااااااااااااتى

  38. سارة قال:
    مايو 2nd, 2007 at 2 مايو 2007 7:11 م

    استاذنا النورس

    اكتبه بقى عشان نختلف شوية

    مش شكل للبيع والله

    ولكن هناك اشخاص اسعد بالاخلاف معهم

    تحياااااااااااتى

  39. مجهول قال:
    مايو 2nd, 2007 at 2 مايو 2007 9:54 م

    مش معاكسه والله ده تقدير لشخصك وطريقه تفكيرك واسلوب كلامك الشيق

    وتقبلى تحياتى وتقديرى

  40. سارة قال:
    مايو 3rd, 2007 at 3 مايو 2007 12:53 ص

    ماشى ياسيد مجهول

    متشكريييييييييييين

    اخجلتم تواضعنا

  41. أحمدخفاجي قال:
    مايو 3rd, 2007 at 3 مايو 2007 2:50 ص

    الأخت الفاضله ساره

    مشكلة البنات من هذا النوع أنهن يخرجن للجامعه لا للتعلم ويخرجن للعمل لتضيع الوقت

    ومقابلة الأصدقاء

    الفتاه التي تذهب للجامعه أو للعمل وفي ذهنها هدف وحاجه للعمل والتعلم ستتصرف بشكل مختلف

    لبس الحجاب فرض ولا علاقة له بالسلوك الشخصي

    والسلوك الشخصي المعيب لا يعيب الحجاب بل يعيب من يتصرف به

    مع تحياتي

  42. التائهه فى ظلمات الحياة قال:
    مايو 3rd, 2007 at 3 مايو 2007 3:08 ص

    موضوع جامد جدا ومكتوب بطريقه صحفيه ولقد اعجبتنى مدونتك وقد ضفتها الى المفضله بسبب ارائك الجريئة

  43. مصراوي اوي قال:
    مايو 3rd, 2007 at 3 مايو 2007 3:40 ص

    بشوف بنات فعلا خارجة بلبس مش ممكن ……فين الاب فين الاخ فين التربية

    صياغتك للموضوع غاية ف الروعة……….من احسن المدونات علي الاطلاق

  44. النورس قال:
    مايو 3rd, 2007 at 3 مايو 2007 1:05 م

    الغاليه/ساره

    حتى لو كتبته مش حنختلف لانى كنت حاكتب كل اللى انت كتبتيه

    معلش المره دى مفيش اختلاف

    على فكره انت محترمه جدا وموضوعيه جدا وحياديه جدا

    شكرا جدا جدا

  45. فايـز سالم النشوان قال:
    مايو 3rd, 2007 at 3 مايو 2007 4:10 م

    ” تصحو صاحبتنا قبل موعد خروجها بثلاث ساعات ، وتأتى بشنطة كبيرة ممتلئة عن آخرها ، تخرج عدة البويا ، قصدى المكياج ، وتضع كيلووات من الالوان على وجهها ، تزيلها وتضعها ثانية وثالثة ، حاجات فوق عينها واخرى تحتها ، خليط من الالوان اخضر وازرق واحمر وكل الوان الطيف ، يابنتى انتى رايحة فين رايحة الشغل او رايحة الجامعة ، امال لو رايحة عرض ازياء او سهرة هتحطى ايه ؟؟؟!!!!!! ” ….. نماذج فعلا حقيقية وموجودة كل يوم نراها ، تميزتِ بأسلوبكِ الساخر في العرض . مشكورة سارة

  46. هيثم ابوخليل قال:
    مايو 3rd, 2007 at 3 مايو 2007 4:24 م

    أشكرك علي هذا الموضوع … والذي يمس الفتاه العربيه أين هي الآن … وأتسأل .. هل الحجاب بالميكاب والجينز والبديهات …حجاب …أم مسخ …؟؟ لكي تحياتي

  47. ايمان أحمد قال:
    مايو 3rd, 2007 at 3 مايو 2007 6:19 م

    الاخت الحبيبة

    sara

    كلمات رائعة واسلوب جميل

    ابداع بلا حدود

    سررت بتواجدي بمدونتك الجميلة وادراجاتك الفنية

    يشرفني ان ادعوك لزيارة رسالة لم تصل الى صاحبتها ( احب ادراجاتي على قلبي)

  48. سارة قال:
    مايو 4th, 2007 at 4 مايو 2007 7:39 م

    لاخ العزيز احمد خفاجى

    بالطبع لديك كل الحق

    فلو قدر كل منا الهدف الذى يخرج لاجله واعلاه لما شاهدنا تلك المنناظر

    تحيااااااااااتى

  49. سارة قال:
    مايو 4th, 2007 at 4 مايو 2007 7:40 م

    الاخت العزيزة التائهة فى ظلمات الحياة

    اشكرك على ثناءك الطيب

    وسعدت بتواجدك

    تحياااااااااتى

  50. سارة قال:
    مايو 4th, 2007 at 4 مايو 2007 7:42 م

    دكتور مصراوى

    ماعلينا من الاب والاخ

    اين عقلها هى ودينها واخلاقها

    كلماتك شهادة اعتز بها

    تحيااااااااتى

  51. سارة قال:
    مايو 4th, 2007 at 4 مايو 2007 7:43 م

    الاخ العزيز النورس

    خلاص نأجل الخلاف مرة تانية

    اشكرك كثيراا على كلماتك

    والتى اعتز بها جداااااااا

    تحياااااااااتى

  52. سارة قال:
    مايو 4th, 2007 at 4 مايو 2007 7:45 م

    الاخ العزيز محمد وجدى

    اشكرك على المرور الطيب

    سيعدت بوجودك

    تحيااااااااتى

  53. سارة قال:
    مايو 4th, 2007 at 4 مايو 2007 7:47 م

    استاذ هيثم ابو خليل

    الشكر لم موصول

    ان كنت تسالنى

    فاجيب انه مسخ

    سعدت بوجودك وتقبل تحياااااااااتى

  54. سارة قال:
    مايو 4th, 2007 at 4 مايو 2007 7:49 م

    الاخت الكريمة ايمان

    سعدت بمرورك وكلماتك الطيبة

    تحياااااااااتى

  55. سارة قال:
    مايو 4th, 2007 at 4 مايو 2007 9:46 م

    الاخوة الكرام
    ندعوكم للتضامن مع محمد عبد الرحيم
    اختنا منال صاحبة مدونة هموم مواطن عرضت مقال تحيى فيه محمد عبد الرحيم بائع الروبابيكيا الذى قال لا لامناء الشرطة الذين ارادوا ابتزازه ودفع اتاوة ولما رفض قاموا بضربه وتعذيبه بكلاب الشرطة وضابط القسم

    وقد تقدم ببلاغ الى حقوق الانسان وهدده الضابط باضطهاد اسرته وكادوا يفقأوا عينيه

    يوم الاحد القادم وقفة تضامنية بموضوع واحد تحية لمحمد عبد الرحيم
    وتقبلوا فائق الشكر والتقدير

  56. سارة قال:
    مايو 4th, 2007 at 4 مايو 2007 9:47 م

    http://on.maktoobblog.com/
    لينك مدونة الاستاذة منال

  57. انـتـصـار عـبـد المـنعـم قال:
    مايو 4th, 2007 at 4 مايو 2007 11:50 م

    الأستاذة سارة

    تحياتي على هذا الموضوع الأكثر من رائع

    مع خالص الأمنيات بالتوفيق

  58. ماجد قال:
    مايو 5th, 2007 at 5 مايو 2007 2:08 ص

    أخواني الاعزاء أرجو المرور والتعليق على مقالتي الأخيرة

    من 30 عاما ونحن ننتظر مستقبل مصر المشرق والخروج من عنق الزجاجة وتحقيق الرخاء !!! بقلم الأستاذ : محمد قطب

    مع خالص الشكر والتقدير , بارك الله فيكم

  59. Ola El-Fouly قال:
    مايو 5th, 2007 at 5 مايو 2007 2:40 ص

    عزيزتى ساره

    رأيى يمكن ميعجبكيش لانى شايفه البنات والشباب معزورين مفيش شئ مفيد وله معنى ممكن يعملوه شغل مفيش- سياسه أخرتها اعتقال وبهدله وقرف - تدين يبقى ارهابى ونظره الناس له بتتغير كانه مجرم ومفروض يدافع عن نفسه - كتابه مش كل الناس تعرف تكتب - زواج منين العين بصيره والأيد قصيره ممكن يشغلوا وقتهم فى ايه رياضه فين فن يقلولهم حرام وهم ناقصين حاجات كثيره ناقصين تربيه وتعليم وادب ودين و ثقافه ممكن يكونوا ازاى انا زعلانه وانا بقول الكلام ده زعلانه عليهم مش دفاع عن افعال غلط لكن فعلا كل شئ صعب ربنا يكون فى عونهم تحياتى

    علا الفولى

  60. مجهول قال:
    مايو 5th, 2007 at 5 مايو 2007 3:23 ص

    الحقيقه كلها واضحه فى كلام علا السابق واعتقد انه مافيش كلام يتقال بعد كده فى اى مجال وتحت اى ظروف

  61. mahmoud mahmoud قال:
    مايو 5th, 2007 at 5 مايو 2007 5:09 م

    الاخت العزيزة سارة …

    الادراج قوى جدا … وهو بالفعل موضوع قصتى القصيرة التى كتبتها مؤخرا،،، وسوف انشرها على المدونة باذن الله

    الموضوع خطير جدا….

    وبالنسبة لسؤال البعض لك عن انت مين فى دول… الواحد مننا لا يمكنه ان يقيم نفسه..

  62. خالد فحل قال:
    مايو 5th, 2007 at 5 مايو 2007 5:33 م

    عالم الانوثة لطالما حير الجميع

  63. أحمد ثروت قال:
    مايو 5th, 2007 at 5 مايو 2007 8:28 م

    الأخ العزيز

    الأخت العزيزه

    ساره

    لكم اسعدنى موضوعك

    ارجوا منك كتابه امذيد

  64. سارة قال:
    مايو 6th, 2007 at 6 مايو 2007 11:33 م

    الاخت الكريمة انتصار
    اشكرك كثيراااااااااا
    وشرفت بزيارتك
    تحياااااااااااتى

  65. سارة قال:
    مايو 6th, 2007 at 6 مايو 2007 11:35 م

    استاذ ماجد
    شكرااااااااااا لك

  66. سارة قال:
    مايو 6th, 2007 at 6 مايو 2007 11:36 م

    الاخت العزيزة علا
    بالعكس رأيك يعجبنى
    واختلاف الاراء يثرى الموضوع والنقاش
    نعم هم معذورين
    ولكن من المفترض انهم يميزون بين ماهو مفيد وما هو غير ذلك
    تحيااااااااااااتى

  67. سارة قال:
    مايو 6th, 2007 at 6 مايو 2007 11:37 م

    استاذ مجهول
    اشكرك

  68. سارة قال:
    مايو 6th, 2007 at 6 مايو 2007 11:39 م

    الاخ الكريم محمود محمود
    اشكرك جدااااااااا
    وفى انتظار قصتك القادمة
    تحياااااااااتى

  69. سارة قال:
    مايو 6th, 2007 at 6 مايو 2007 11:40 م

    استاذ خالد فحل
    شرفت بزيارتك
    تحياااااااااااتى

  70. سارة قال:
    مايو 6th, 2007 at 6 مايو 2007 11:42 م

    استاذ احمد ثروت
    شكرااااا لك
    وسعدت بزيارتك

  71. مجهول قال:
    سبتمبر 11th, 2008 at 11 سبتمبر 2008 3:32 م

    خليل من لبنان

  72. كلمات رقيقه قال:
    فبراير 1st, 2009 at 1 فبراير 2009 9:59 م

    ممكن سوال بايخ شويه حضرتك وسعادتك مش بتعملى اى حاجه زى البنات اللى انتى حكيتى عنهم وبعدين بصراحه كلامك كله صح بس بجد عايز اعر؟

    وكلامك يستاهل انه يتقرى بجد



اكتب تعليــقك
الإسم الذي سيظهر على التعليق
مشتركي مكتوب
اسم آخر

« ارفعوا ايديكم عنا ……….
محمد عبد الرحيم …..ضحية جديدة لرجال الشرطة »

 الاقصى