المدونة التالية
كافة المدونات

ضحية نفسه والشيطان ومبارك…

كتبهاسارة ، في 11 فبراير 2008 الساعة: 21:09 م

ضحية نفسه والشيطان ومبارك

يوم تقليدى جدا ، زحام فى كل مكان ، المترو مكتظ براكبيه كالعادة  ، فجأة فى محطة الدقى توقف المترو ، لم يخطر ببال أحد من راكبيه ، انهم يقفون عل جثة شاب فى مقتبل العمر واصبح فى اخره ، وبعد دقائق من التوقف ،و حركات مريبة على الرصيف ، اناس يهرولون بين أول الرصيف وأخره ، كانت الساعة الثانية عشر ظهرا ، وبعد 10 دقائق من التوقف أصيب عدد من الركاب بالاختناق نتيجة للزحام الشديد ، وبدأوا فى فتح الابواب .

تجمع الناس عند العربة الرابعة، وهى العربة التى يوجد الشاب تحتها ، وجدنا رجلا كان على الرصيف ، وقال أن الشاب لم يكن يبدو عليه أى شئ غير عادى ، الا انه وبمجرد إقتراب المترو من الرصيف ، القى بنفسه أمامه .

حتى تلك اللحظة لم يكن أحد يعرف شيئا الى أن رأينا رجل الشاب ظاهرة من تحت العجلات ، وهنا تأكدنا ان احدهم بالفعل تحت المترو ، وان الامر لا علاقة له بالخيال الواسع ، والكلام المتناقل ، وبعد 25 دقيقة بدأ المترو فى التحرك ، لتبدو جثة الشاب الملقى على القضبان ، ويقوم عدد من العاملين بالمحطة برفعه وتغطيته بورق الصحف .

الذين رأوا الشاب قبل وفاته اكدوا ان عمره حوالى خمسة وعشرين عاما ، ولا يبدو عليه علامات المرض النفسى او الجنان الذى يلصقونه بكل من يحاول الانتحار ، ورغم ان احدا لا يعرف سبب انتحار الشاب ، الا ان كل من الواقفين على الرصيف أوجد سببا ومبررا لاقدامه على الانتحار يتناسب مع مبرراته الذاتية  ، فاحدى السيدات قالت اكيد انتحر من الغلا اللى احنا فيه ، وقال شاب اخر تلاقيه مش لاقى شغل وعاطل هيعيش ليه ، اما اكثرهم رومانسية فقال تلاقيه بيحب واحدة من زمان ومش عارف يتجوزها ، وليس المهم فى توقعات الناس التوقعات ذاتها ، وانما كونهم يجدون مبررات للانتحار ، وهو ما يعنى اننا امام شعب لديه قناعة بأن الموت هو الحل ، خاصة انها ليست المرة الاولى ….
ورغم ان الموقف كان صعبا للغاية الا ان الواقفين لم يترفعوا عن الحكم على الشاب ، فالبعض يرى انه الان يكفر ذنوبه ، ويرد اخر لا ده هيروح جهنم ،البعض التمس العذر والبعض قال كافر ، رغم ان ايهم لا يعرف ظروف الشاب وما دفعه لذلك .

وايا كان الدافع الذى يدفع شاب لم يتعد الثلاثين للانتحار وبتلك الطريقة البشعة والتى لا شك انه كان مقدرا بشاعتها ، فالمنتحرين عادة يبحثون عن وسائل مريحة كالادوية والشتق فى اسوأ الاحوال ، اما ان يلقى بنفسه تحت قطار يعلم جيدا كيف سيخرج من تحته ، وبتلك ا لجرأة ودون تردد أو خوف ، وايا كانت ظروفه فهو ضحية لنفسه وللشيطان ولمبارك المسئول عن كل الاسباب التى قد تدفع للانتحار ، فالغلاء والبطالة وحتى تأخر الزواج وكل المصائب التى نمر بها ، هو احد اسبابها ، وتمر برضاءه وتحت اشرافه …

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : سياسة, متفرقات, مقال | السمات:, ,
أرسل الإدراج  |   دوّن الإدراج  

31 تعليق على “ضحية نفسه والشيطان ومبارك…”

  1. هيثم ابوخليل قال:
    فبراير 12th, 2008 at 12 فبراير 2008 12:36 ص

    الأخت الفاضلة ساره ……….

    حساب حكامنا سيكون عسير …. قهروا وذلوا وأفقروا أطيب شعب ….

    منهم لله ….

  2. الشريف جمال قال:
    فبراير 12th, 2008 at 12 فبراير 2008 7:56 ص

    اللهم الهم أهله الصبر والسلوان ويحرق قلب مبارك على أولاده وأدعوا الجميع بالدعاء للشاب بالرحمة وقراءة الفاتحة

  3. علا بركات قال:
    فبراير 12th, 2008 at 12 فبراير 2008 11:47 ص

    الاخت ساره :

    الانتحار ليس حلا . رغم ان كتير من الناس فاكره ان السفر للخارج او الزواج من اجنبيات او الانتحار هي الحلول الوحيده لمشاكلنا . وانا جبت الحلول دي كلها ورا بعض لانها في النهايه بتتساوي مع بعض يعني السفر او الزواج من اجنبيه تساوي الانتحار .

    لكن ايه الحل ؟

    الحل الوحيد يخرج مننا احنا اننا نتغير . نبطل فهلوه ونلتزم شويه لو احنا شعب ملتزم اكيد حانجبر اللي فوق كمان يكونوا ملتزمين .

    اما هذا الشاب فارجو ان يغفر الله سبحانه وتعالي له لانه عارف انه وضعه في محنه وان المحنه دي اكيد كانت اكبر منه . ويلهم اهله الصبر

  4. yes 4ever قال:
    فبراير 12th, 2008 at 12 فبراير 2008 11:51 ص

    ساره

    قصتك مأساويه جدا . بس ليا سؤال . انتي فعلا شفتي الموضوع ده بنفسك اصلك بتفكريني بقصه رعب كانت منشوره ف الدستور قريب؟

    ماعلينا

    احب اعرف الساده اعضاء الشعب المصري كله حاجه مهمه جدا : ان الحكومه بتفرح جدا لما واحد ينتحر . ليه ؟ لان واحد راح ف ستميت داهيه وخلصت منه يعني بق زياده واتقفل بق بقي بياكل او بيتكلم ماتفرقش.

    المهم ياشباب انتو عايزين تفرحوا الحكومه اوي كده ؟ والله كويس . بلاش بقي نشتغل ولا حتي ندور علي شغل وتعالوا كلنا نفرح الحكومه وننتحر كلنا . بس تفتكروا محطات المترو حاتكفينا كلنا ؟

    ربنا يصبر الناس كلها

    اشطه ؟

    yes4ever

  5. mado80 قال:
    فبراير 12th, 2008 at 12 فبراير 2008 12:22 م

    حسبي الله ونعم الوكيل في مبارك يعني مش كفايه الشباب اللي زي الورد اللي بيغرقوا في البحر

    ان شاء الله هانشوف فيه يوم

    وولاد الكلب اللي في السلطه ولا كأنهم هنا ماحنا مجرد كلاب عندهم ايه يعني شاب غار في ستين داهيه

    مش عارف أقول ايه غير حسبي الله ونعم الوكيل

  6. appy قال:
    فبراير 12th, 2008 at 12 فبراير 2008 1:36 م

    معلش هى اول مرة ليه هنا بس بصراحه صعب قوى يعنى الواحد عنده هموم الدنيا وبرضه راضى بيها وبيحمد ربنا ومن جواه هو دلوقتى الانتحار بقى الحل والشماعه هى مبارك طيب يوم القيامه لما ربنا يحسبه ده اذا اصلا كان انسان طبيعى هيقوله اصل مبارك لا بصى طبعا ربنا يرحمه ويغفر ليه يا رب بس ده مش حل الشباب يعنى انا فى الشركه عندى والله بشوف العجب من الشباب اللى متخرجين بجد والله بيرفضوا الشغل يقولك اصل المرتب طيب عاوزين ايه تخلصوا وتشتغلوا بالاف الجنيهات طيب ليه ما تبدأوا من الاول حتى هاتوا مصاريبفكى فى النهايه ربنا يغفر ليه

    اما بقى رد على استاذ/جمال ومعلش اسمحى ليه بعد اذنك ميصحش احنا كمسلمين حتى لو واحد بيسئ لينا اننا ندعى عليه وعلى ابنائهم ده دينيا حرام اخلاقينا عيب حتى الله عز وجل امرنا اننا منعاملش الناس زى ما بيعملونا حتى نعاملهم احسن معلش على الاطاله اعذرينى

  7. أحمد سعيد قال:
    فبراير 13th, 2008 at 13 فبراير 2008 3:28 م

    أنا لا أجد أى مبرر للإنتحار

    طيب حتى إحنا لو مظلومين

    لو مش لاقين ناكل

    لو عاطلين

    مش عارفين نجوز

    ده مبرر أننا ننتحر

    ده أسمه يأس

    لو احنا فعلا بنمر بظروف وحشه جداً

    نستحمل

    ونموت طبيعى

    ما دام الموت جاى جاى

    يبقى نموت واحنا مؤمنين

    يعنى هو الحل اننا نهرب من هنا

    عشان شوية عذاب

    طيب وعذاب ربنا راح فين

    فى عهد النبى صلى الله عليه وسلم

    قال لهم عن رجل قتل فى الحرب

    قالوا هو من أهل الجنه

    فقال النبى إنى رأيته من أهل النار

    فجاء صحابى وقال : لقد رأيته

    عندما كان يتألم من أثر الجرح فقتل نفسه

    مفيش أى مبرر

    ويارب يرحمنا جميعاً

    ويغفر لنا خطايانا

    موضوع مميز يا سارة

    وهو فعلا يشبه قصة نشرتها الأستاذة علا بركات فى الدستور أسمها شبح مترو الأنفاق

    اتمنالك دوام التوفيق

    أخوك نيجـر

  8. منال لطفى قال:
    فبراير 13th, 2008 at 13 فبراير 2008 4:45 م

    سارة***

    الموت تحت عجلات القطار

    او على سواحل اوربا

    او البقاء تحت حكم مبارك

    كلة انتحار

  9. عمر الشرقاوى قال:
    فبراير 14th, 2008 at 14 فبراير 2008 6:55 م

    لا حول ولا قوه الا بالله

    الموت فى الجو والموت فى البحر والموت فى الموصلات والموت تحت الارض والموت فى كل مكان فى مصر والموت من الزحمه ومن الفقر وحسنى مبارك لسه ماسك فى الحكم توووووووووووب علينا يارب

  10. مجهول قال:
    فبراير 14th, 2008 at 14 فبراير 2008 7:16 م

    ولا تحسبن الله غافل عما يعمل الظالمون

  11. أبوطلحة الليث قال:
    فبراير 15th, 2008 at 15 فبراير 2008 5:37 ص

    السلام عليكم ورحمة الله وبركاته
    على فكره ممكن يكون سبب انتحاره شئ آخر
    إخوانى علينا بصدق العودة إلى كتاب الله وسنه النبى صلى الله عليه وسلم بصدق
    إخواننى لن نستطيع أن نقيم دوله وما زلنا لا نحافظ على قيام الليل وصيام النهار وحسن الخلق وبرالوالدين
    إخوانى .. لا يستطيع أحد أن يصل إلى القمة من دون أن يصعد السلم درجة درجة
    والله المستعان
    وجزاكم الله خيراً
    hem_hy@yaoo.com

  12. مجهول قال:
    فبراير 15th, 2008 at 15 فبراير 2008 9:16 ص

    حسبنا الله ونعم الوكيل

  13. محمد هيرو قال:
    فبراير 15th, 2008 at 15 فبراير 2008 12:08 م

    يارب ياسارة دايما وتكتبى الجديد وربنا يوفقك فى عملك لأنك انتى مجتهدة

    ويارب

    يارب

    مزيد من التحقيقات الجميلة والشيقة

  14. قلب الأسد قال:
    فبراير 15th, 2008 at 15 فبراير 2008 4:49 م

    اختي الكريمة سارة

    اولا البقاء لله فكلنا جميعا الي زوال .. وأسألكم اخوتي واخواتي قراءة الفاتحة علي روح هذا الشاب وإن كنت لا اري انه كان علي صواب فيما فعل . ولكننا بلا شك لا نعلم دوافعة للقيام بذلك..

    اخوتي واخواتي من منا قرأ في علم النفس سيعلم جيدا ان المنتحر شخص مريض نفسيا وإن لم بيدو عليه إمارات المرض النفسي (اما المجنون فله هيئة اخري نعرفها جميعا من اهمال للشكل بشكل مبالغ فية وإرتداء ملابس ممزقة ..الخ) والمنتحر يكون قد وصل إلي درجة كبيرة من المرض النفسي إلا ان كل ذلك لا يشفع له. فالانتحار جريمة في حق النفس التي امرنا الله تعالي ان نصونها حتي ان جريمة الانتحار تساوي الكفر في الاديان السماوية

    فقط ادعو له بالرحمة

    ادعوك لزيارة مدونتي المتواضعة قلب الاسد

    اختك

    هبة - قلب الاسد

  15. ايمن مصطفى قال:
    فبراير 16th, 2008 at 16 فبراير 2008 9:59 ص

    العزيزة سارة

    اعتقد انه استمرار لمسلسل اتساع الفجوة بين من هم فوق وبيدهم الامور وبين من هم تحت وعليهم الرضوخ

    رحم الله الاحياء جميعا وهداهم الى طريق صراطه المستقيم

    تحياتى

  16. كريم عبد القادر قال:
    فبراير 18th, 2008 at 18 فبراير 2008 10:44 ص

    حسبي الله ونعم الوكيل

    بجد انا اول مرة اقرأ الموضوع ده

    ربنا بجد يحمينا ويحفظنا

    والحمد لله على كل شئ

  17. القلب الطيب قال:
    فبراير 19th, 2008 at 19 فبراير 2008 12:15 ص

    اعلم جيدا ان متاخر جدا فى تعليقى ولكن كان هناك ما يمنعنى

    لكى التحية صديقتى

    واود منكى زيارة مدونتى قريبا جداااااااااااااااااااا

    اتمنى الزيارة قريبا جداااااااااااااااااااااااا

    هناك ما اتمنى منكى ومن جميع المدونين

    اذهبى الى مدونتى وستجدى كل شىء هناك

    القلب الطيب

  18. حسام يحى قال:
    فبراير 19th, 2008 at 19 فبراير 2008 7:55 ص

    حسبى الله ونعم الوكيل

    والانتحار ليس حلا

    اللهم اهد شباب المسلمين

  19. آآآآه وآآآآه قال:
    فبراير 19th, 2008 at 19 فبراير 2008 2:31 م

    ان لله وإن إليه راجعون

    ياما هانشوف في البلدي

    ربنا يرحمنا

  20. عادل سعيد قال:
    فبراير 20th, 2008 at 20 فبراير 2008 6:01 م

    الأخت الكريمة الزميلة هبة خطاب

    ( مدونة البريمو http://haba-htab.maktoobblog.com ) … توفى والدها الى رحمة الله تعالى بعد صراع مع المرض … أسكنه الله تعالى فسيح جناته و رزق كريمته العزيزة أجر الصابرين … اللهم آمين

  21. عادل سعيد قال:
    فبراير 20th, 2008 at 20 فبراير 2008 6:02 م

    pحمد الله ع السلامة يا سارة

    طب موش تبلغى عمك

    عامة أنا رأيى

    خلى اسم مبارك رقم واحد

    طبعا ده من وازع التقدير أكيد مهمات كان ده الريس يا سارة

    تحطيه نمرة تلاتة

    ممكن يزعل

    .

  22. انـتـصـار عـبـد المـنعـم قال:
    فبراير 25th, 2008 at 25 فبراير 2008 11:49 ص

    سارة

    تعددت الأسباب والموت هو النهاية

    لن أحكم على المنتحر وأقول الظروف

    سأجد مليون فرد يرد ويقول لا حرام هو في جهنم

    السؤال هو هل هناك أحد قال للشاب المنتحر أن الانتحار حرام ؟

    في لحظة اليأس لا يملك الانسان نفسه لو لم يكن لديه رصيد ديني

    وفي هذه الأيام كما تشاهدين الفتاوى والدروس الدينية اقتصرت على الرضاعة والبول وتحريم الباذنجان والكوسة

    لك كل الود وحمدالله على رجوعك

  23. Ola El-Fouly قال:
    فبراير 26th, 2008 at 26 فبراير 2008 5:17 م

    عزيزتى ساره

    سلام عليكم ربنا يعلم بظروف خلقه لكن الحياه ضاقت و الأمل الوحيد هو رحمه ربنا ولعل البعض عندما يعجز عن الأحتمال يتعجل الرحمه بالذهاب الى خالقه فهو ارحم الرحمين رغم ان الأنتحار معصيه كبرى ولكن رحمته وسعت كل شئ عندما تضيق الأرض بمن عليها ولا حول ولا قوه الا بالله ربنا يستر

    علا الفولى

  24. شريف عزمي قال:
    فبراير 27th, 2008 at 27 فبراير 2008 11:34 ص

    اعجبتني مدونتكم وافكارها الجميله وادعوكم للتساول

    ترى من هي تيفين ؟

    وماهي العلاقه التي قد تجمع بين علم التاريخ والشعوذه؟

    من هم الفراعنه ؟ هل هم طائفة من السحره ؟ ام اساطين الحكمه ؟

    هل هناك جوانب في الحياه لم يطرقها العلم بعد؟

    هل تعتقد في السحر؟

    تابع الاحداث المسلسله وترقب معي نهاية الاحداث

  25. عبدالرحمن فارس قال:
    مارس 1st, 2008 at 1 مارس 2008 2:07 ص

    لن أرحم الحكام إن أصدرت يوما في شأنهم حكما

  26. الشنقيطى قال:
    مارس 2nd, 2008 at 2 مارس 2008 3:30 م

    أختى سارة:

    \ حمدا لله على عودتك

    أمثال الشاب كثيرون وهم ضحية العنوان الذى اخترته فى مصر مع تغيير اسم الزعيم فى حالة اسقاطها على أي بلد عربي

    لك مودتى

  27. عادل سعيد قال:
    مارس 3rd, 2008 at 3 مارس 2008 8:24 م

    شى لله يا الغزاوية

    يا وجع الأمة العربية

    لا انتو حماس

    و لا عباس

    فلسطين..هي القضية

    شى لله يا الغزاوية

    شى لله و على دلعونا

    حكمونا ولاد الملعونة

    والآخر خانم و باعونا

    للنخاس والصهيونية

    شى لله يا الغزاوية

    شى لله وانتوا لوحديكو

    الله ينصركو ويهديكو

    ويدمر دولة أعاديكو

    والأيام أهي رايحة وجاية

    شى لله يا الغزاوية

    شى لله ولا عادش رجوع

    ويالخاين والجربوع

    الأطفال ماتت م الجوع

    والعطشان مش لاقى الميه

    شى لله يا الغزاوية

    شى لله على أحلى كلام

    ناس تصحى

    والأمة تنام

    يعنى قفاك يصبح قدام

    يا العربى

    وتركب عربية

    شى لله يا الغزاوية

    ( أحمد فؤاد نجم )

  28. عبدالرحمن فارس قال:
    مارس 10th, 2008 at 10 مارس 2008 5:02 ص

    حسبنا الله ونعم الوكيل

  29. مجد الدين قال:
    مارس 11th, 2008 at 11 مارس 2008 10:00 م

    ساره
    انه القدر
    وانا لله وانا اليه راجعون
    واجله انتهي الي هنا
    ولكنني اوؤكد انها فوضي
    من يتحمل المسؤليه؟الاجابه واضحه ومعروفه
    مدونتك رائعه كالعاده وموضوعاتك جميله
    تحيااااااااااتي

  30. بنت مسلمة مصرية قال:
    أغسطس 30th, 2008 at 30 أغسطس 2008 8:54 م

    انا لله وانا ايه راجعون
    حسبي الله ونعم الوكيل
    هي كافية

  31. مسلم محب لشعب مصر قال:
    أبريل 24th, 2009 at 24 أبريل 2009 8:46 م

    تراه كان سامع أن ابن الهالك اللامبارك سيستلم الحكم من بعد أبيه اللامبارك فقد الأمل بحياة كريمة في ظل حكم هذه الحثالة اللامباركة.



اكتب تعليــقك
الإسم الذي سيظهر على التعليق
مشتركي مكتوب
اسم آخر

« وأصبحت مصر أم الرقص الشرقى …عمار يا مصر
غاضبــــــــــــــــــــــــــــــــــــــــــــــــــــــون »

 الاقصى